រោងការ ក្លាយជារោងកម្ម ភ្ញៀវដេញវាយគ្នា ផ្អើលរត់ជាន់ជើង

ភ្នំពេញ៖ ពិធីរៀបអាពាហ៍ពិពាហ៍ មួយកន្លែងស្ថិត នៅក្នុងបូរីពិភពថ្មី ភូមិម័រ សង្កាត់ដង្កោ ខណ្ឌដង្កោ រាជធានីភ្នំពេញ ខណៈភ្ញៀវទាំង ខាងកូនកំលោះ និងកូនក្រមុំ កំពុងច្រៀង និងរាំងលេងកំសាន្ត យ៉ាងសប្បាយនោះ ស្រាប់តែមានភ្ញៀវ មួយក្រុម បានបង្កទំនាស់ពាក្យសម្តី រហូតដល់វាយគ្នា នឹងបងស្រា កែវ បណ្តាលឲ្យមាន ការភ្ញាក់ផ្អើល ដល់ភ្ញៀវផ្សេងទៀត រត់ជាន់ជើងគ្នា កាលពីវេលាម៉ោង ប្រមាណ ៩៖៤០នាទីយប់ ថ្ងៃទី៨ ខែធ្នូ ឆ្នាំ២០១៣ នេះ ។

http://kh.afbsports.info/

សេចក្តីរាយការណ៍ ពីកន្លែងកើតហេតុ បានឲ្យដឹងថា នៅក្នុងហេតុការណ៍វាយ គ្នារវាងភ្ញៀវ និងភ្ញៀវ ដែលចូលរួមពិធីមង្គលការ ខាងលើនេះ បណ្តាលឲ្យមានអ្នករងរបួស២ទៅ៣នាក់ រួមទាំងប្រជាការពារ ខណ្ឌដង្កោម្នាក់ផងដែរ ។

ដោយឡែកជនបង្ក ប្រមាណ៣នាក់ ត្រូវបានកម្លាំងអាវុធហត្ថខណ្ឌ ដង្កោចាប់ខ្លួន បញ្ជូនទៅទីបញ្ជាការដ្ឋាន អាវុធហត្ថខណ្ឌ ដើម្បីសួរនាំបន្តទៀត។

យ៉ាងណាក៏ដោយ ពុំទាន់មានប្រភព័ត៌មានណា បញ្ជាក់នូវរឿងរ៉ាវទាំងនេះ នៅឡើយទេថា ក្រុមភ្ញៀវឈ្លោះគ្នាដោយសារតែមូលហេតុអ្វីនោះ ៕