សំណាងមួយក្នុង១ពាន់គ្រោះថ្នាក់ ត្រូវក្រពើខាំតែមិនស្លាប់

វាលស្មៅបៃតងខ្ចីដ៏ស្រស់ស្អាតជិតមាត់សមុទ្រ នៅ Cancun ភាគខាងត្បូងនៃប្រទេស មិចស៊ិចកូ ដែលមានជាកន្លែងដ៏ល្អបំផុត សំរាប់អ្នកលេងកីឡាវាយកូនគោល លំហែលកាយយ៉ាងសប្បាយរីករាយ។

http://kh.afbsports.info/

ក៏ប៉ុន្តែ សំរាប់លោក Dougie Thomson នេះវិញ ខណៈពេលដែលទៅលេង កីឡាវាយកូនគោលនៅទីនោះ បែរជាប្រែក្លាយដូចជានរកទៅវិញ។ លោក Thomson មានអាយុ ៥៨ឆ្នាំ គឺជាជនជាតិអង់គ្លេស ត្រូវបានសត្វក្រពើ ប្រវែង ៣.៦៥ម៉ែត្រវាយប្រហារ ខណៈពេលដែលគាត់កំពុងតែលេងគោល។ សំណាងល្អដែលគាត់នៅមានជីវិត ព្រោះតែមិត្តភក្កិរបស់គាត់ បានប្រើប្រាស់នូវដែកវាយកូនគោល វាយទៅកាត់ក្រពើ ដែលកំពុងតែខាំជើងខាងស្ដាំរបស់គាត់។

ពេលនេះលោក Thomson កំពុងតែស្នាក់នៅក្នុងមន្ទីរពេទ្យដើម្បីធ្វើការព្យាលបាល។ យោងតាមប្រភពព័ត៌មានពីមន្ទីរពេទ្យ បានឲ្យដឹងទៀតថា លោក Thomson ត្រូវបានដេរអស់ ២០០ថ្នេរ សំរាប់ការវាយប្រហារពីសត្វក្រពើ ដ៏សាហាវនេះ។

The Iberoster Cancun គឺជាកន្លែងកំសាន្ដ និងកន្លែងប្រកួតកីឡាវាយកូនគោល ដែលមានរន្ធចំនួន ១៨ សំរាប់លេង លើសពីនេះ នៅកន្លែងនោះមានសត្វព្រៃជាច្រើនបានរស់នៅ ដូចជាសត្វចាប ទន្សង និងក្រពើ ដែលមិនគួរឲ្យ កីឡាករទៅលេងនៅទីនោះឡើយ ព្រោះវាគ្មានផាសុកភាព។

តើប្រិយមិត្តយល់យ៉ាងណាចំពោះករណីនេះ?